Одӥг нунал Минскын

Поездын вазь ӵукна сайкасько. Югыт ини. Секыт оскыны, мон мукет шаерын ини шуыса. Кондуктор билетме берлань сётэ но шуэ: «Скоро будем в Минске!»

Поезд Минск вокзалын дугдэ, мон вокзалэ пырисько. Нырысетӥ тужгес но кулэ луись уж – багажме кельтоно. Собере кассаын Вильнюсэ билетме оформить кароно. Город мыным тодмотэм. Мон татын чик огнам но Минскын эшъёсы ӧвӧл. Киоскысь картаез басьтыса вокзалысь потӥсько.

Артысь МакДональдсэ пырисько. Мон валасько, отысь сиён ӟеч ӧвӧл, нош сиеме потэ но умойгес интыосты уг тодӥськы. МакДональдсысен но валай, мон Минскын компанитэк гинэ уг лу. Мон интернеттэк но луо, малы ке шуоно публичной вай-файлы пароль кулэ. Нош мынам картае вань, но мон калгыны вырӟисько. Минскын куазь туж шулдыр но пӧсь. Гудырикошкон вал ни. шуыны уг луы  вал, соку зортолэзь вал шуыса.

Плошча Нелалежнасці

Городытӥ мынӥсько, юртъёс вылын ваньмыз беларус кылын гожтэмын. Нош беларус сямен нокин уг вераськы. Ижкарысен удмурт кылэз кылыны капчигес. Независимость Карлудын (бел. Плошча Незалежнасьці. Бел. ч чурыт удм. ӵ кадь). Отын католик черке пырисько но отын служба поляк кылын мынэ. Священниклэн акцентэзъя валай, со Польшаысь шуыса (Беларусӥысь но Литваысь полякъёс мукет акцентэн верасько. Беларусӥын тужгес но тросэз  католикъёс – полякъёс). Азьлань мынӥсько но туспуктӥсько. Минскын  туж трос Сталин дыръя пуктэм юртъёс.

Минскын пичи вуж город вань. Отын православной черк сылэ, нош со католик черк кадь адӟиське (азьлогес со зэмзэ но католик вылэм). Черке пырисько, отын Литургия ортче. Нош мон отчӥ кемалы ӧй кыльы. Причаститься кариськыны мыным уг яра вал, малы ке шуоно мон сиськи вал.

Кафедральный собор Сошествия Святого Духа (православный)

Вуж город пала мынӥсько. Отын туж чебер. Вань юртъёс выльдэмын. Со шундыӝужан Польшаысь пичи вуж городъёс городъёслы укша. Таӵе архитектура Литваын но шеде. Лумбыт Минскытӥ отчы –татчы калгисько, юртъёсты, карлудъёсты, паркъёсты, черкъёсты но мукет интыосты учкисько но туспуктӥсько. Вуж городын сиськыно кариськи. «Скромный Буржуй» Ресторанэ лыктӥ но ӵӧж но сур заказтӥ. Отын вай-фай но вал. Дуно ӧй вал, 130 000 беларус манет тыри (472 ӟуч манет. Вуоно аре беларус манетлэн деноминациез ортчоз 1:10 000).

Собере нош ик городытӥ калги. Кӧня ке мӧзмыт луиз, малы ке шуоно лумбыт огнам. Каллен вокзал пала мынӥ. Минскысь 19.00 котырын кошки. Поезд туж ӝог, Минскысь Вильнюсозь кык но ӝыны час мынэ. Беларусь пала мыныку кунгож контроль поездын ортче, нош Литвае мыныку -  Вильнюсысь вокзалын.

Бер ӝытазе Литвае лыктӥ но отын вить нунал ортчытӥ.

Кык нунал Мускоын

Курсъёс бырем бере поездэн Ижкарысь Муское кошки. Вазен Мускоын ӧй вал, соин отчы мон кык нуналлы вуи. Отын дырме тунсыко ортчытэме пӧрмиз.

Вокзалысен мон Свято-Троице-Сергиевой лавралэн подворияз кошки. Отын монэ монахъёс пумитазы. Соос мыным монастырьлэсь висъетсэ сётӥзы, кытын мирянъёс. Отчы лыктыса монахъёс мыным сиён но сётӥзы. Висъетын одӥг адями вал ни, но ми ӝог тодматским но огъя кыл шедьтӥм. Со мыным городэз возьматыны дэмлаз. Мон туж шумпотӥ, малы ке шуоно огнам ветлыны мӧзмыт луысал.

Самой главной ужпуме Мускоын Кремль вал. Монастырысь со кыдёкын ӧй вал. Ми пыдын мынӥм, мон трос туспуктӥ. Выль эше аспӧртэмлыко интыосты возьматӥз но соос сярясь кӧня ке мадиз. Пумен Горд Карлудэ вуим. Отын типичной турист кадь Васильевской собор но Спасской Башня дорын туспуктэмъёсыз лэсьтӥ. Собере Муско шур кузя Христос Спаситель черк пала мынӥм. Соку кӧснунал вал но милям Бадӟым ӝыт службае мынэммы потэ вал. Черке лыктыкумы служба кутскытозь ӧжыт дыр кылемын ни вал но ми отчы кыльыны кариським. Служба туж чебер вал.

Служба бере мынам Арбатэз адӟеме потэ вал. Выль Арбат мыным Варшаваез тодам вайытӥз. Варшаваын но вань сыӵе паськыт урам ӝужыт коркаосын. Нош Вуж Арбат Тунсыкогес вылэм. Со сыӵе улэп урам, отын трос тунсыко артистъёс. 

Городытӥ ветлыса бер луиз но ми монастыре дыртӥм, ӝытшыд сиины мед вуом шуыса. Сиськыкумы мон Литваысь монахен тодматски. Со ӟуч, нош вордӥськемын Литваын. Со вераз, со литва кылэз вунэтӥз ни шуыса, но кӧня ке вераськыны тыршиз ик. Ваньмыз, мае со литва кылын вераз, шонер вал. Собере пӧртэм арбериос сярысь ӟуч кылын вераським. Со вераз на, со Быдӟым Нуналэ Евангелиез литва кылын лыдӟе но котьку ик шедё валась адямиос. Макем пичи дунне.

Кыкетӥ нуналаз ӵукна султыса шонерак Литургие кошки. Со туж чебер вал, отын монахъёслэн хорзы кырӟаз.

Собере монахъёсын ӵош сиськыны мынӥ. Сиськыку одӥгез монах святой улон сярысь лыдӟе. Сиськем  азьын но сиськем бере одно ик куриськоно. Ку ми сиськиськом вал, соос туж ӝог куриськон бере лыдӟизы но мон малпай, собере сиськыны угяра. Нош мыным веразы, собере дыртытэк йылпумъяны яра. Куд ог монахъёс просто ӝоген сисько куриськонэ бертыны ӝоггес мед луысал.

Сиськем бере мон огнам городэ калгыны кошки, малы ке шуоно эшелэн ас ужъёсыз вал. Мон Мускоысь урамъёстӥ ветлӥ. Мынам МГУез адӟеме потэ вал. Собере нош ик Кремлез учки. Та пол сон со котырын мынӥ. Мон каллен арми но умой интыез утчаны кутски. Мод одӥг вареничная шедтӥ. Отын пельнян сии но сур юи. Нырысьсэ Россиысен паспортме возьматоно вал/луиз, сур басьтыкум.

Муско мыным кельшиз. Со сыӵе чылкыт. Тросэз тодмоосы верало, соослы Муско уг кельшы шуыса, малы ке шуоно отын сыӵе суета. Нош мыным со шыпыт вал. Эше вераз, лулад кежег вань ке, важно ӧвӧл, кытын тон, бадӟым городын яке бушкырын.

Сиськыса каллен монастыре мынӥ. Сюрес вылын коркаосыз учки.Монастыре ӝытшудэ вуи. Бергес эше лыктӥз но вокзалэ вуыны юрттӥз.

Поездэ бер ӝытазе Минске кошкиз. Россия но Беларусь вискын кунгож контроль ӧвӧл, соин умой изьыны луиз. Вазь ӵукна мон Минскын вал.

Гужем каникулэ Удмуртиын

Та арын нырысетӥзэ Удмуртие ветлӥ. Отын куинь арня ортчытӥ. Инъетась ужпум удмурт кылъя курсъёс вал. Соос Удмурт Элькун Университетын ортчизы.

Хельсинкиысь Ижкарозь Сюрес туж кузь, нош со мыным мӧзмыт ӧй вал. Нырысетӥ нуналаз Петыркарозь гинэ мынӥ, отын бускелелэн туганэзлэн квартираяз кӧлӥ вал (бускеле эстониысь ӟуч, нош нылашез Ижкарын вордӥськемын, Питерын дышетске). Ижкаре Сюрес мӧзмыт ӧй вал, малы ке шуоно бускеленым ӵош мынӥмы вал.

Ижкаре лыктыса шулдыр вал. Ӧй оскы вал, милемлы туж умой огъулонни сётозы шуыса. Отын пӧсь ву одӥг арня ӵоже гинэ вал, нош со кышкыт ӧй вал. 

Туж умой, мынам удмурт эшъёсы ини вал шуыса. Соосын Ижкарын пумиськи. Контакт пыр гинэ тодмоосыныз но пумиськи но тодматски

Мыным туж кельшиз культурной программа. Ми пӧртэм интыосы ветлӥм. Воткакарысен Чайковскийлэсь усадьбазэ учким. Жаляса верано, кырын зоре вал, соин городытӥ ветлыны секыт вал. Нош сарапулысен трослы умойгес куазь вал, соин сое учкыны быгатӥм. Отын трос чебер вуж корка но Кам шур вань.

Эшшо но тунсыкогес гуртъёсы ветлэммы вал. Ми Быгыысь финн-угор сиён фестивале вуылӥм. Туж ческыт отын сиськи. Туж тумошо вал, сцена вылэ тубыса нимъёсмес  ваньзылы вераны. одӥг кырӟанэз Финн кылын но кырӟамы.

Мон Сизьгуртэ (Алнаш ёрос) но ветлӥ. Со программаын ӧй вал, мон отчы огнам мынӥ. Отын монэ одӥг эше пумитаз. Солэн анаез табань пӧраз. Мукет ческыт сиёнэн но куноятӥзы. Эше мыным гуртсэ возьматӥз, губи но узы-боры бичаны ветлӥм. Мынам удмурт кылын вераськеме пӧрмиз, ӟуч кылын кӧня ке гинэ вераськоно вал. Сюрес Сизьгуртэ но тунсыко вал, малы ке шуоно Огырчи ёрос (Татарстан) пыр мынӥм. Отын гуртъёсын мечетьёс вал.

Программая шутэтскон нуналъёсмес удмуртъёс дорын ортчытылӥм. Мон Вуж Мӧняла мынӥ вуылӥ. Жаляса верано, со туж шулдыр ик ӧй вал, малы ке шуоно отын сюан вал но монэ сектазы. Собере туж секыт вал. Нош ачиз гурт мыным кельшиз. Машинаен но ворттылӥм, тунсыко интыосыз учким.

Брангуртысь дано песянайёсын но пумиськимы. Соос милемлы трос кырӟазы но эктӥзы. Выль черксэз но возьматӥзы.

Мукет гуртъёс Уддяди (Карамас-Пельга) но Альман (Якшур-Бӧдья ёрос) вал. Уддядиысен ми удмурт калык дӥськут дӥсям но сюан шудӥм. Собере сиським но мунчое ветлӥм. Соку Дмитрий Анатольевич мыным вераз, со бускелелэсь туганзэ финн кыллы дышетӥз вал шуыса. Макем пичи та дунне.

Альманысен милемлы возьматӥзы, кызьы мушъёсыз вордыны кулэ. Отын но тыр ӝӧкен витё вал милемыз но трос табань но мунчо.

Ижын но тунсыко культурной программа вал. Кылсярысь, ми Эктон Коркаен эктӥм но проф. Кельмаковен кырӟамы. Калашниковлэн музейяз но Эшъяськон юртэ ветлӥм.

Ижын но трос пумиськонъёс вал, кудъёсыз программаын ӧй вал. Кылсярысь, лекциос САХАРЫН яке огшоры пумиськонъёс интыысь эшъёсын.

Дыр Ижын ӝог ортчиз но куинь арня мыным укыр ӧжыт вал. Мынам нош ик Иже мынэме потэ. Ижкарысь мон Литвае бертӥ. Мынон сямен кык нунал Мускоын ортчытӥ но одӥг нунал Минскын. Нош та городъёс сярысь нимаз гожтоно.

Студент сиён

Ингредиентъёс:

3-4 картошка

2 курегпуз

будос вӧй

Сылал (шӧмызъя)

Картошкаез пияла пыжон формае вуштоно. Курегпуз ватсано но сурано. Собере будос вӧй но сылал ватсано. Ваньзэ сурано.

Гурын 200º C 30-60 мин пыжоно. Ческыт мед кошкоз!

Тол каникул

16-тӥ толсуре мынам берпуметӥ  экзаменэ вал но мукет нуналаз  каникул кутскиз. Вазь ӵукна дорысь яке гуртысь вырӟи. Мон Хельсинкиысен корабле пукси но кык но ӝыны час улыса  Таллиннэ вуи. Отын мынам кык час дыры вал, соин мон сиськыны но вуж картӥ поръяны вутски. Собере мон тямыс часэ автобусэн Вильнюсэ мынӥ но бер ӝытазе дорам вуи .

Литвае вуыкум, куазь  лымытэм но пилемо вал. Мынам кӧня ке уже  вал. Милям Ымусьтонэз выль календарь сямен ортчыто, соин кузьымъёс басьтыны кулэ вал. Со котьку ик капчи уж ӧвӧл, куке трос магазинъёстӥ  ветлыны кулэ. Нош мон атаеныным та ужез  ӝог быдэстӥм.

Мон Вильнюсын гинэ ӧй вал, мон ӵужатае но ӵужанае доры ветлӥ гуртэ. Отын но ӵужӵужанае улэ, солы 97 арес. Татым ми нырысетӥ Ымусьтон нуналэз ортчытӥм.

Кыкетӥ  Вордӥськон нуналэ  Кедайняй каре ветлӥм. песянае Солы матын улэ. Кедайняйын чебер вуж кар вань.

Собере мон эшшо кӧня ке нунал Вильнюсын но гуртам ортчытӥ на. Карын мон вуж но выль эшъёсыным пумиськи но гуртам шутэтскӥ.

30-тӥ толсуре мон Тартуе кошки Выль арез пумитаны. Отын одӥг финн эше улэ но мон со дорын вал. Отчы мукет финнъёс но, эстонъёс но одӥг латыш вуизы. Мон Выль арез  калыккуспо компаниын шулдыр пумитай. Мон Тартуын куинь нунал вал. Ӝытъёсы ми ресторане ветлӥм. Отын мон нырысьсэ  суши сии.

3-тӥ толшоре мон Тартуысь поездэн кошки. Таллиннэ вуыса, мон сиськи но магазинэ ветлӥ. Бер ӝытазе мон Хельсинкие вуи. Квартираям пырыса, монэ гожтэт возьмаз/ монэ возьмам гожтэтэз шедьтӥ. Со мыным капчи мылкыд вайиз!

Каникулэ эшшо ӧз на йылпумъяськы. Университетын эшшо быдэс арня шутэтскон. Нош мынам одӥг уже вань - реферат гожтоно . Дышетсконэз возьмасько ини!